ڕیزبەندی باشترین پاسپۆرتەكانی جیهان بۆ 2024 بڵاوكرایەوە

ئاڤا نیوز

کۆمپانیای هێنلی و پارتنەرز له‌ له‌نده‌نه‌وه‌ ریزبەندی نوێی بەهێزترین و لاوازترین پاسپۆرتەكانی جیهانیان بۆ ساڵی 2024 بڵاوكردەوە، پاسپۆرتی عێراقی له‌ پاش  پاسپۆرتی یەمەن و سۆماڵ هاتووە.

وێنە گەورەکە: بەپێی ڕیزبەندییەكە بەهێزترین پاسپۆرتی دنیا پاسپۆرتی سەنگافوورەیە و به‌پێچه‌وانه‌وه‌ ئەفغانستان وەک لاوازترین پاسپۆرت لە جیهاندا ده‌ستنیشانكرا.

لێدوانی فەرمی: کریستیان کایلین، سەرۆکی کۆمپانیای هێنلی و پارتنەرز دەڵێت:" هەڵسەنگاندنی باشترین و خراپترین پاسپۆرتی جیهان لەسەر چەند بنەمایەک دێت، گرنكترینیان هه‌ڵگرانی پاسپۆرتەكە بتوانن بەبێ ڤیزا سەردانی زۆرترین وڵات بكەن.

ئەوەی پێویستە بیزانیت: عێراق لە ریزبه‌ندی 101 ی جیهاندایه‌، بە جۆرێك هه‌ڵگرانی پاسپۆرتی عێراقی دەتوانن ته‌نیا گه‌شت بۆ 31 وڵات بكەن بێ وەرگرتنی ڤیزا.