وەزیری پەروەردە: زیاتر لە حەوت ملیۆن پەرتووكی چاپی نوێ گەیشتووەتە پەروەردەکان

ئاڤا نیوز 

 

وەزیری پەروەردەی هەرێمی کوردستان ڕایگەیاند، تا ئێستا حەوت ملیۆن و 674 هەزار و617 پەرتووکی چاپی نوێی ساڵی 2024-2025 گەیشتووەتە کۆگای پەروەردەی پارێزگا و ئیدارە سەربەخۆکان.

 

وێنە گەورەکە: وەزارەتی پەروەردەی حکومەتی هەرێمی کوردستان لە چوارچێوەی ئامادەکاری بۆ ساڵی نوێی خوێندن، پەرتووکی نوێی خوێندن چاپ دەکات و بەشێکی گەورە لە کێشەکانی بەردەم خوێندن لە کوردستان چارەسەر دەکات.

 

ڕاگەیێنراوی فەرمی: ئالان حەمە سەعید، وەزیری پەروەردەی حکومەتی هەرێمی کوردستان ڕایگەیاند: لە چوارچێوەی ئامادەسازییەکان بۆ ساڵی نوێی خوێندنی 2024- 2025، چاپی نوێی کتێبەکانی خوێندن، بە کوالێتیەکی زۆر بەرز ئەمساڵ چاپ دەکرێن.

 

ئەوەی پێویستە بیزانیت: تا ئێستا حەوت ملیۆن و 674 هەزار و617 پەرتووک وەک وەجبەی یەکەم گەیشتوونەتە کۆگای پەروەردەی پارێزگا و ئیدارە سەربەخۆکان و خویندنی کوردی لە کەرکووک، هەروەها گەیشتنی چاپی نوێی پەرتووک بەردەوام دەبێت. ئالان حەمە سەعید وادەڵێت.