زۆربەی دانیشتووانی عێراق گەنجن

ئاڤا نیوز 

بەگوێرەی کۆمپانیایەکی ئەڵمانی پسپۆر، عێراق یەکێکە لەو وڵاتانەی زۆرترین ڕێژەی گەنجانی هەیە بەشێوەیەک زیاتر لە 60٪ی دانیشتووانی پێکدێنن.

وێنە گەورەکە: ڕێژەی گەنجان لە عێراق لە پلەیەکی بەرزدایە و ژمارەی دانیشتووانی عێراق بەردەوام لە زیادبووندایە.

ڕاگەیێنراوی فەرمی: بەپێی ئامارێکی ساڵی 2024ی کۆمپانیای "ستاتیستا"ی ئەڵمانی تایبەت بە بازاڕی جیهانی و داتای بەکاربەران، چینی گەنجان لەنێوان تەمەنی 15 بۆ 64 ساڵی 61.17٪ دانیشتووانی عێراق پێکدێنن.

زانیاریی زیاتر: تەمەنی نێوان ساڵێک بۆ 14 ساڵ لە عێراقدا 35.24% پێکدەهێنێت، ڕێژەی ئەو کەسانەی تەمەنیان لە 65 ساڵ بەرەو سەرەوە 3.59%ە.

ئەوەی پێویستە بیزانیت: ڕێژەی منداڵبوونی ژنانی عێراق بە ڕێژەی 0.1% کەمیکردووە لە یەک منداڵ بۆ هەر ژنێک.