زیاتر لە پێنج ملیار دینار بۆ نۆژەنکردنەوەی دووكاندارانی قەیسەریی هەولێر خەرج دەكرێت

ئاڤا نیوز

‎پارێزگاری هه‌ولێر زانیاریی گرنگ له‌باره‌ی قه‌ره‌بووكردنه‌وه‌ی دووكاندارانی بازاڕی قه‌یسه‌ریی هه‌ولێر ئاشكرا ده‌كات، ئه‌وه‌ش دەخاتە ڕوو كە سەرۆکوەزیران بارزانی لەمبارەیەوە لەسەر هێڵە.

‎وێنە گەورەكە:
بازاڕی قەیسەریی شاری هەولێر، یەكێكە لەو دەیان بازاڕەی هەولێر و كەركووك و دهۆك كە لە لایەن باندێكی سەر بە پەكەكە سووتێنران و بەهۆیەوە سەدان دووكاندار زەرەرمەند بوون.

‎لێدوانی فەرمی:
لەمبارەیەوە ئومێد خۆشناو، پارێزگاری هەولێر ڕایگەیاند:"نۆژه‌نكردنه‌وه‌ی بازاڕی قه‌یسه‌ری له‌سه‌ر فه‌رمانی سەرۆكوەزیران بارزانی زۆر به‌په‌له‌ ده‌ستی پێكردووە، بڕی پێنج ملیار و 300 ملیۆن دینار بۆ نۆژه‌نكردنه‌وه‌كه‌ خەرج ده‌كرێت. پرۆسەكە له ‌ماوه‌ی دیاریكراوی خۆیدا زووتر ته‌واو ده‌بێت، بۆ ئەم مەبەستەش دوو كۆمپانیا به ‌به‌رده‌وام و به ‌چه‌ند شه‌فتێك كاری له‌سه‌ر ده‌كه‌ن".

‎زانیاریی زیاتر:"
ئەو دووكانانەی بازاڕەكە، بۆ ساڵی 2023 له‌ %50ی باج بەخشراون و بۆ ساڵی 2024یش له‌ %100ی باج ده‌به‌خشرێن، جگە لەوەی له‌ كرێی خاشاك و پاره‌ی كاره‌با و لۆگۆ به‌خشراون. ئه‌وانه‌ی كرێچیی حكومه‌تیشن له ‌به‌شێكی كرێكانیان ده‌به‌خشرێن، هەروەها بۆ بابه‌تی هاوكاریكردنیان، سەرۆكوەزیران بارزانی به‌رنامه‌یه‌كی هه‌یه‌ و له‌م نزیكانه‌دا هاوكاریی ئه‌م خه‌ڵكه‌ ده‌كرێت". پارێزگاری هەولێر وای گوت.