بەڕێوەبەرایەتییەکی هەڵەبجە بەكارهێنانی كەلوپەلی پلاستیک لە فەرمانبەرانی قەدەغە دەكات

ئاڤا نیوز

 

بەڕێوەبەرایەتییەكی سنووری پارێزگای هەڵەبجە، بەكارهێنانی كەلوپەلی پلاستیكی قەدەغە دەكات و بڕیارەکەش لە سەرەتای ئەم مانگەوە جێبەجێ کراوە.

 

وێنە گەورەكە: بەڕێوەبەرایەتیی كار و ڕاهێنانی پیشەیی هەڵەبجە، نووسراوێک ئاراستەی سەرجەم بەشەكانی دیوانی بەڕێوەبەرایەتییەكە دەكات و ئاماژە بەوە دەدات، بەكارهێنانی هەر كەلوپەلێكی پلاستیكی قەدەغەیە.

 

نووسراوی فەرمی: لە نووسراوی بەڕێوەبەرایەتییەكەدا هاتووە، لەپێناو پاراستنی ژینگەكەمان، بڕیارماندا بە قەدەغەكردنی بەكارهێنانی هەموو جۆرە کەلوپەلێکی پلاستیكی  (دەبە، پەرداخی ئاو و قاپی سەفەری) لە بەڕێوەبەرایەتیمان.