پەرلەمانتارێكی لیژنەی دارایی: عێراق گرفتی پارەی نەختینەیی نییە

ئاڤا نیوز

 

ئەندامێكی لیژنەی دارایی پەرلەمانی عێراق ڕایدەگەیێنێت، نەمانی نەختینە لە بانكەكان تەنیا دەنگۆیە و ڕاست نییە.

 

وێنە گەورەكە: ئەم مانگە، دابەشكردنی مووچەی مووچەخۆرانی عێراق دواكەوت و بەرپرسانی وەزارەتی دارایی عێراق هۆکارەکەیان بۆ نەمانی پارەی نەختینەیی بانكەكان گەڕاندەوە، بەڵام پەرلەمانتارێكی لیژنەی دارایی ئەمەی ڕەتکردووەتەوە.

 

لێدوانی فەرمی: د. خەلیل دۆسكی، ئەندامی لیژنەی دارایی لە ئەنجوومەنی نوێنەرانی عێراق بە ئاڤا نیوزی گوت: من بڕوام بەوە نییە كە دەگوترێ عێراق گرفتی كەمیی نەختینەی هەیە و پارەی كاش لە بانكەكان نەماوە، ئەمە ڕاست نییە.

 

زانیاریی زیاتر: بانكی فیدراڵیی عێراق ڕۆژانە 200 ملیۆن دۆلار دەفرۆشێ كە دەكاتە 264 ملیار دینار، ئەمە سەرەڕای ئەو داهاتەی لەڕێگەی دەروازە سنوورییەكان و باجەوە دەست حكومەتی عێراق دەكەوێت.