ڕێکخراوێک: ڕێژەی قەرەباڵغی زیندانەکانی عێراق گەیشتووەتە 400٪

ئاڤا نیوز 

بەگوێرەی ڕێکخراوێکی مافەکانی مرۆڤ لە عێراق، ڕێژەی قەرەباڵغی زیندانەکانی عێراق گەیشتووەتە 400٪. 

وێنە گەورەکە: زۆربوونی تاوان لە عێراق بووەتە هۆی بەرزبوونەوەی ڕێژەی زیندانییان لە گرتووخانەکان، ئەمەش وای کردووە قەرەباڵغییەکی زۆر لە گرتووخانەکاندا دروست ببێت.

لێدوانی فەرمی: عەلی عەبادی، سەرۆکی ڕێکخراوی عێراق بۆ مافەکانی مرۆڤ بە ئاڤا نیوزی گوت: بەگوێرەی سەردانە مەیدانییەکان بۆ گرتووخانەکانی ژمارەیەک پارێزگا، دەرکەوتووە هۆکاری سەرەکیی کێشەی گرتووخانەکان ڕێژەی بەرزی زیندانیانە و هەندێک گرتووخانە ڕێژەی قەرەباڵغی گەیشتووەتە 400٪.

هۆکارە زانراوەکان: بە گوێرەی سەرۆکی ڕێکخراوەکە ڕێکارەکانی لێکۆڵینەوە لەگەڵ تۆمەتباران،  هەواڵدەری نهێنی و ماددەی چواری تیرۆر و پابەند نەبوون بە پێوەرەکانی مافەکانی مرۆڤ، سەرەکیترین هۆکارەکانی گرفتەکەن.

چارەسەر: پەسەندکردنی یاسای لێبوردنی گشتی 40 بۆ 60٪ کێشەی زیندانیان چارەسەر دەکات، هەروەها جێبەجێكردنی یاسای ئەحکامەکانی سزادانی جێگرەوە و كردنەوەی گرتووخانەی نوێ. عەلی عەبادی وای گوت.

ئەوەی پێوستە بیزانیت: لە عێراق ژمارەی زیدانییان زیاتر لە 65 هەزارە، دابەشبوونە بەسەر زیاتر لە 30 گرتووخانەدا، ڕێژەی گرتووخانەکانیش کەمترن لە پێویست.