بەرەوپێشچوونی کەرتی کشتوکاڵ لە کوردستان وڵاتانی دراوسێی نیگەران کردووە

ئاڤا نیوز

 

بەرەوپێشچوونی کەرتی کشتوکاڵ لە هەرێمی کوردستان وڵاتانی دراوسێی نیگەران کردووە و دەیانەوێت زیان بە بەرهەمی جووتیارانی کورد بگەیێنن.

 

وێنە گەورەکە: کابینەی نۆیەم بە سەرۆکایەتیی سەرۆکوەزیران بارزانی، گرنگی زۆری بە کەرتی کشتوکاڵ داوە و ساڵانە دەیان بەرهەمی جۆراجۆر ڕەوانەی وڵاتان دەکرێت.

 

لێدوانی فەرمی: بەختیار قادر، ئەندامی رێکخراوی جووتیارانی ئەڤرێنەری کوردستان بە ئاڤا نیوزی گوت: سەرجەم بەرهەمەکانی ناوخۆی هەرێمی کوردستان ئۆرگانیکن و جووتیاران هیچ دەرمانێکی زیانبەخش بەکارناهێنن و خواستێکی زۆری نێوخۆی و دەرەکیشی لەسەرە.

 

زانیاریی زیاتر: بەختیار قادر ئەوەشی گوت، بەشێک لە وڵاتانی دراوسێ بەهۆی نەبوونی خواست لەسەر بەرهەمەکانیان، دەیانەوێت نێوبانگی بەرهەمی جووتیارانی کورد لەکەدار بکەن، بەڵام ئەمە کار لە ئێمە ناکات، تاوەکو بەرهەمی نێوخۆ هەبێت، دەست بۆ هیچ هاوردەکراوێک نابەین.