ئەنجوومەنی باڵای فەتوا چەند داڕشتە و فەتوایەكی شەرعی دەردەكات

ئاڤا نیوز 

ئەنجوومەنی باڵای فەتوا لە هەرێمی كوردستان، چەند داڕشتەو فەتوایەكی شەرعی تایبەت بە كاری كۆمپانیاو وەكیلەكانیان لە هەرێمی كوردستان دەردەكات.

ڕاگەیێنراوی فەرمی: ئەنجوومەنی باڵای فەتوا لە هەرێمی کوردستان ڕایگەیاند: دروست نیه‌ كه‌سێك بكرێته‌ وه‌كیل بۆ ئه‌نجامدانی گشت كاروبارێك به‌بێ‌ دیاری كردنی كاره‌كه، هەروەها‌‌ ئه‌و كۆمپانیایانه‌ی وه‌كیل و لقیان هه‌یه‌ پێویسته ده‌سه‌ڵاته‌كانیان دیاری بكه‌ن.

زانیاریی زیاتر: ئه‌گه‌ر كه‌سێك کەسێکی دیکە یان كۆمپانیایه‌كی كرده‌ وه‌كیل بۆ كرینی كاڵا یان هەر بابەتێکی هاوشێوە، دروست نییه‌ یه‌كه‌م جار بۆ خۆی بیكڕێت به‌كه‌متر، پاشان به‌زیاتر به‌ ئه‌وی بفرۆشێته‌وه. ئەنجوومەنی فەتوا وادەڵێت.

ئەمەش بزانە: ئه‌و پاره‌ زیادانه‌ی له‌ كڕیار یان فرۆشیار له‌ نوسینگه‌كانی خانووبه‌ره و زه‌وی له‌ده‌ره‌وه‌ی مافی ده‌ڵاڵی یان پیشانگه‌كانی ئۆتۆمبێل وه‌رده‌گیرێت،‌ بەئاره‌زوو مه‌ندانه‌ نه‌بێت حه‌رامه‌.