پێشمەرگە بۆ کێوماڵکردنی ناوچە گومانلێکراوەکان ئۆپەراسیۆنێکی ئەنجامدا

ئاڤا نیوز

وەزارەتی پێشمەرگە، بە مەبەستی کێوماڵکردنی ناوچە گومانلێکراوەکان ئۆپەراسیۆنێکی لە گوندەکانی ( قەرەحەسەن و لەیلان) ئەنجامدا.

ڕاگەیێنراوی فەرمی: لە 16-8-2024، هێزەکانی لیوای 22ی پیادەی وەزارەتی پێشمەرگەی کوردستان ڕایگەیاند: لە دەوروبەری گوندەکانی (قەرەحەسەن - لەیلان)ی سنووری پارێزگای کەرکووک ئۆپەراسیۆنێکی سەربازییان بۆ ئەو ناوچانەی گومانی مۆڵگە و حەشارگەی تیرۆرستانیان لێدەکرێت ئەنجامدا".

ئەوەی پێویستە بیزانیت: ئۆپەراسیۆنەکە بۆ ماوەی پێنج کاتژمێر بەردەوام بوو، هاوڵاتیانی گوندەکان ڕۆڵی پێشمەرگەیان بەرز نرخاند و داوای بەردەوامی ئەم جۆرە چالاکیانەیان کرد.

وێنە گەورەكە: چەكدارانی داعش ماوەیەكە لە نێوچە جێناكۆكەكانی دەرەوەی ئیدارەی هەرێمی كوردستان، بەهۆی بۆشایی ئەمنییەوە دەستیان بە جموجوڵ كردووە.