عێراق ڕەزامەندی لەسەر دابینکردنی پێداویستیی سەرژمێری بۆ هەرێمی کوردستان دا

ئاڤا نیوز

 

چوار مانگ پێش وادەی بەڕێوەچوونی سەرژمێریی گشتی لە عێراق و هەرێمی کوردستان، ئەنجوومەنی وەزیرانی عێراق ڕەزامەندی لەسەر دابینکردنی ئامێری پێویست بۆ گواستنەوەی داتاکان دابین دەکات.

 

وێنە گەورەکە: ئامادەسازیی وەزارەتی پلاندانانی عێراق بۆ ئەنجامدانی سەرژمێریی فەرمی لە سەرجەم پارێزگاکانی عێراق و هەرێمی کوردستان بەردەوامە، 120 هەزار کارمەند بۆ سەرپەرشتی پڕۆسەکە ڕاهێنراون.

 

ڕاگەیێنراوی فەرمی: لە ڕاگەیێنراوی ئەنجوومەنی وەزیرانی عێراقدا هاتووە، ڕەزامەندی دراوە لەسەر دابینکردنی  ئامێر و سێرڤەری پێویست بۆ گواستنەوەی داتای سەرژمێریی دانیشتووان لە پارێزگاکانی هەرێمی کوردستان بۆ بەغدا.

 

ئەوەی پێویستە بیزانیت: دوایین سەرژمێری دانیشتووان لە عێراق ساڵی 1997 کراوە و ئەوکات هەرێمی کوردستان لە سەرژمێرییەکەدا بەشدارنەبووە، بۆیە بەرپرسانی حکومەت پڕۆسەکە بە گرنگ دەزانن بۆ ئەوەی لەڕێگەی سەرژمێرییەوە بتوانن بەوردی ژمارەی دانیشتووان و ئاستی بژێوییان لە هەر شار، شارۆچکە و گوندێک بزانن.