شارەوانی ئیزمیر بۆ ئاڤا: دارستانەکان بە تەواوی سووتاون

ئاڤا نیوز 

شارەوانی ئیزمیر بە ئاڤا نیوزی ڕاگەیاند، دارستانەکانی ئیزمیر بە تەواوی سووتاون، بەڵام بەرلەوەی بگاتە نێو ماڵەکان بە تەواوی کۆنترۆڵ کراوە و دەست دەکەین بە قەرەبووکردنەوەی زیانی هاووڵاتیان.

وێنە گەورەكە: ماوەی دوو ڕۆژە تورکیا ڕووبەڕووی ئاگرێکی گەورە بووەتەوە، دارستانەکانی ئیزمیر و پێنج شارۆچکەی دەوروبەری گرتووەتەوە، دوای هەوڵی تیمەکانی ئاگرکوژێنەوە توانراوە ئاگرەکەی ئیزمیر کۆنترۆڵ بکرێت.

لێدوانی فەرمی: ئێلیف دێمیرجی، سکرتێری ڕۆژنامەوانی شارەوانی ئیزمیر بە ئاڤانیوزی گوت: ئاگرەکە تەواو کۆنترۆڵ کراوە، بەڵام دارستانەکانی ئیزمیر بەتەواوی سووتاون هیچ شوێنێک نەماوە کە مەترسی دووبارە ئاگرکەوتنەوەی لێبکرێت.

زانیاریی بەدەستهاتوو: شارەوانی ئیزمیر کارتی کڕینی شتوومەک، هەر خێزانێک 50 هەزار لیرەی تورکی، چەند سەر ئاژەڵێک، وەک قەرەبوو دەداتە ئەو خێزانانەی زیانیان بەرکەوتووە. 

زیانە سەرەکییەکان: 14400 هێکتار زەوی ، 20 خانوو ، زیاتر لە 14 دووکان لە ناوچەی پیشەسازی سووتاون، هەروەها سێ گوند کە دەکەونە ناوچە سنوورییەکان زیانێکی زۆریان بەرکەوتووە.