قەبارەی بازاڕی یارییە ڤیدیۆییەکان دەگاتە 257 ملیار دۆلار

ئاڤا نیوز

 

بازاڕی یارییە ڤیدیۆییەکان لە فراوانبوون دایە و ئەمساڵ، قەبارەی داهات لەم بازارە گەیشتووەتە 216 ملیار دۆلار. هەروەها نزیکەی %25ـی داهاتەکەی لەلایەن کۆمپانیاکانەوە لە پڕۆسەی بە بازاڕکردن خەرج دەکرێت.

 

وێنە گەورەکە: داهاتی بازاڕی یارییە ئەلیکترۆنییەکان لە گەشەسەندن بەردەوامە، گەشەی ساڵانەی بازاڕەکە بە نزیکەی %6 دیاری کراوە و پێشبینی دەکرێت تا ساڵی 2028 سەرمایەی بازاڕەکە بگاتە 257 ملیار دۆلار. لەکاتێکدا ساڵی رابردوو قەبارەکەی بریتی بووە لە 196 ملیار دۆلار.

 

زانیاریی زیاتر: ڕاپۆرێکی کۆمپانیای 'باین' دەریدەخات، قەبارەی داهاتی بازاڕەکە لە ئێستادا 204 ملیار دۆلارە، بۆ ساڵی داهاتوو دەگاتە 216 ملیار، هەروەها بۆ ساڵی 2026 دەگاتە 229 دۆلار، ساڵی 2027 ڕێژەی پارەکە دەگاتە 240 ملیار دۆلار و پێشبینی دەکرێت تا ساڵی 2028 قەبارەی پارەکە بۆ 257 ملیار دۆلار بەرزبێتەوە. ئەم ڕاپۆرتە لەسەر بنەمای بەدواداچوونێکی کۆمپانیای باین لە شەش وڵاتی جیاواز لەوانە ئیمارات، بەرازیل، ئەندەنوسیا، ژاپۆن، بەریتانیا و ئەمریکا لەسەر 5 هەزار بەشداربوو ئەنجام دراوە. 

 

ئەمەش بزانە: نزیکەی %80ـی ئەو کەسانەی تەمەنیان لەنێوان 18-2 ساڵان دایە یارییە ئەلیکترۆنییە ڤیدیۆییەکان دەکەن و کاریگەری ڕاستەوخۆیان هەیە لەسەر فراوانبوونی قەبارەی بازرگانی ئەم بازاڕە.