بەكتریا لەنێو بەرهەمێكی جووتیارانی دەشتی بیتوێن بڵاودەبێتەوە

ئاڤا نیوز

 

نەخۆشییەکی بەکتریا( جووتیاران پێی دەڵێن لاڕەشە) لەنێو بەرهەمی کونجی لە دەشتی بیتوێن و گوندی قەمتەران بڵاوبووەتەوە و زیانی بە کشتوکاڵی بەشێک لە جووتیاران گەیاندووە.

لێدوانی فەرمی: یەکێک لەجووتیارانی ناوچەکە دەڵێت مانگێکە هەستمان بەو نەخۆشییە کردووە و دەرمانمان بۆ هێنا، بەڵام تائێستا هیچ ئەنجامێکی نەبووە و بەرووبوومەکەمان زۆربەی وشک بووە.

ئەوەی پێویستە بیزانیت:بەڕێوەبەرایەتی کشتوکاڵی ڕاپەڕین چوونەتە ئەو زەوییە کشتوکاڵیانەی بەکتریاکەی تێدا بڵاوبووەتەوە، چەند هۆکارێکیشیان بۆ بڵاوبوونەوەی بەکتریاکە دیاری کردووە لەوانەش کەشوهەواو جۆری تۆوەکەی و شێوازی ئاودانی.

چارەسەر: بەگوتەی تیمی کشتوکاڵی ڕاپەڕین پێویستە جووتیاران پێش چاندنی هەر بەروبوومێک سەردانی بەڕێوەبەرایەتی کشتوکاڵ بکەن و ڕێنمایی وەربگرن.

بۆچی گرنگە: جووتیاران بە ڕاوێژکردن بە بەڕێوەبەرایەتیەکانی کشتوکاڵ لەکاتی زەوی چاندن بە بەرووبوومی جیاواز، لە زیانی ماددی دەپارێزرێن.