بازرگانێکی ماددەی هۆشبەر بڕیاری 15 ساڵ زیندانیكردنی بۆ دەرچوو

ئاڤا نیوز 

لە پارێزگای ئەنبار بازرگانێکی ماددەی هۆشبەر پێنج هەزار حەبی هۆشبەری لێ گیراوە، بەوهۆیەوە لەلایەن دادگەی تاوانەكانی ئەنبار سزای 15 ساڵ زیندانیکردنی بۆ دەرچوو.

وێنە گەورەکە: بەگوێرەی ئامارەکانی وەزارەتی ناوخۆی عێراق، لە حەوت مانگی یەکەمی ئەمساڵدا زیاتر لە هەشت هەزار کەس بە تۆمەتی بازرگانیکردن و مامەڵەکردن بە ماددەی هۆشبەرەوە دەستگیرکراون.

ڕاگەیێنراوی فەرمی: بە گوێرەی ڕاگەیێنراوی ئەنجوومەنی باڵای دادوەریی عێراق ئەو پێنج هەزار حەبەی هۆشبەرەی دەستیان بەسەرداگیراوە، لە جۆری ئەمفیتامین بووە کە تۆمەتبار بە مەبەستی بازرگانی و فرۆشتنی هەڵیگرتبوو.

ئەوەی پێویستە بیزانیت: مامەڵەکردن و بەکارهێنانی ماددەکانی هۆشبەر بەشێوەیەكی لێهاتووە، حکومەتی عێراق ناتوانێت بەتەنیا بەرەنگاری ببێتەوە، بۆیە یاداشتی هاوبەش و ڕێککەوتنی لەگەڵ وڵاتانی دراوسێ واژۆ کردووە بۆ بەرەنگاربوونەوەی و تووندكردنی سنوورەکانی.