خاوەنپێداویستییەکی تایبەت- وێنە: AFP
ئاڤا نیوز
بەڕێوەبەرایەتیی تۆڕی پاراستنی کۆمەڵایەتیی هەولێر، خاوەن پێداویستییە تایبەتەکان ئاگادار دەکاتەوە، دەبێت تاوەکو 20ی ئەم مانگە بایۆمەتری بکەن، ئەگەرنا مووچەیان دەبڕدرێت.
وێنە گەورەکە: حکومەتی هەرێمی کوردستان لە ساڵی 2017 ەوە پرۆسەی بایۆمەتری دەستپێکردووە، پرۆسەکە تەواوی زانیاری ئەو فەرمانبەرە لەخۆدەگرێت کە بایۆمەتری بۆ دەکرێت.
لێدوانی فەرمی: محەممەد گەزنەیی، بەڕێوەبەری تۆڕی پاراستنی کۆمەڵایەتیی هەولێر بە ئاڤا نیوزی ڕاگەیاند، "12 هەزار و 500 خاوەن پێدوایستی تایبەت بایۆمەترییان نەکردووە، بۆیە داوایان لێدەکەین سەردانی بەڕێوەبەرایەتیمان بکەن، بۆ وەرگرتنی فۆڕم بۆ ئەوەی مووچەکانیان لەلایەن حکومەتی عێراقەوە نەبڕدرێت، بۆ ئەو مەبەستە 11 ڕۆژ دیاریکراوە".
باکگراوند: لە سنووری بەڕێوەبەرایەتیی تۆڕی پاراستنی کۆمەڵایەتی هەولێر 22 هەزار و 900 کەس هاوکاریی دارایی وەردەگرن، بەشێک لەوان بایۆمەترییان نەکردووە و دەبێت بەزووترین کات بیکەن.
ئەمەش بزانە: ڕێنماییەکانی بایۆمەتری بۆ خاوەن پێداویستییەکان بەمشێوەیە دەبێت:
*خاوەن پێداویستییەکانی نابینا، هیمۆفیلیا، جەستەیی، نابیست، تالاسیما و کورتەباڵا، ئەوانە پێویستە بایۆمەتری بکەن.
*خاوەن پێداویستییەکانی شەلەل دەماغ، ئۆتیزم، داون، بیرکۆڵ، شیزۆفرینای تووند دەبێت ئاگەداری ئەم خاڵانە بن:
1- پێویستە کۆدی بێهاوتا (UPN))ی باوک، دایک، خوشک، برا، وەکیل، وەسی قیوم بهێنێت، لەگەڵ کۆپیکردنی کارتی نیشتمانی خۆی لەگەڵ ناسنامەی خاوەن پێداویستییە تایبەتەکە.
2. ئەگەر کۆدی بێهاوتای نەبوو دەبێت باوانی بچێت لە نزیکترین بانک کۆدی بێهاوتای بۆ دەربهێنێت.
3. ئەگەر باوان لە ساڵی 2022 -ەوە مۆڵەتی شۆفێری نوێکردبێتەوە ئەوا کۆدی بێهاوتای هەیە.
4. ئەگەر باوان مووچەخۆری حکومەت یان پارێزەر یان بازرگان بێت، ئەوا کۆدی بێهاوتای هەیە.
زیاتر لەسەر ئەم بابەتانە بکۆڵەرەوە
دوایین هەواڵەکان
- جیهان
- 8 کاتژمێر لەمەوپێش
سەرەڕای هەوڵەکانی ئاگربەست، ڕووسیا لە پێشڕەوییەکانی بەردەوامە
- جیهان
- 8 کاتژمێر لەمەوپێش
ترەمپ لەسەر کۆنترۆڵکردنی گرینلاند سوورە
- کوردستان
- 9 کاتژمێر لەمەوپێش
فازڵ میرانی: دەسەڵاتدارانی بەغدا کوردیان وەک هاوبەش قبووڵ نەکردووە
هەڵبژاردەکان بۆ تۆ
لە هەولێر دوو هەزار دۆنم زەوی سەوزە تێکدراوە کە بە ئاوەڕۆ بەرهەم دەهات
11 کاتژمێر لەمەوپێش
چەند مەیموونێک خەڵکی گەڕەکێکی هەولێر هەراسان دەکەن
13 ئازار
پڕۆژەی فریاگوزاریی خێرای ئاوی هەولێر 75%ی تەواو بووە
13 ئازار
هاوشێوەی چاپکراوەن دراوە ئەلیکترۆنییەکانیش زەکاتیان لێدەردەکرێت
13 ئازار
خۆری ئاڤا؛ چیرۆکی دایک و کچێکی نەخۆش لە شاری ڕانیە کە لە دۆخێکی سەختی ئابووریدان
13 ئازار
- بزنس
- 14 کاتژمێر لەمەوپێش
وەزارەتی دارایی بۆ وەزارەتەکان: تا یەکشەممە لیستی مووچەی مانگی سێ بنێرن
- بزنس
- 20 کاتژمێر لەمەوپێش
بانكەكان لەڕۆژانی پشوودا مووچە دابەش دەكەن