تاکە خانمی نێو شاندی ئێران کێیە؟

ئاڤا نیوز 

 

سەرۆککۆماری ئیسلامیی ئێران بە سەرۆکایەتیی شاندێکی باڵای کە تەنیا خانمێکی تێدایە، سەردانی عێراق و هەرێمی کوردستانی کرد، سەردانەکە بووە جێگەی بایەخی میدیا نێوخۆیی و نێودەوڵەتییەکان.

 

وێنە گەورەکە: شاندی باڵای ئێران بەسەرۆکایەتیی مەسعود پزیشکیان لە ژمارەیەک وەزیری کابینەکەی پێکهاتووە، یەکێک لەوانە وەزیری ڕێگاوبان و گەشەپێدانی شارسازیی ئێرانە کە تاکە خانمی نێو شاندە ئێرانییەکە بوو.

 

زانیاریی زیاتر: فەرزانە سادق، وەزیری ڕێگاوبان و گەشەپێدانی شارسازیی ئێران تاکە خانمی نێو شاندە ئێرانییەکەیە، هاوکات تاکە خانمی نێو کابینەکەی پزیشکیانیشە.

 

ئەوەی پێویستە بیزانیت: فەرزانە سادق مالواجاردی، وەزیری ڕێگاوبان و گەشەپێدانی شارسازیی ئێرانە، تەمەنی 48 ساڵە و خەڵکی ئیسفەهانە، تەلارسازی خوێندووە و دکتۆرای لە پلاندانانی شاردا بەدەستهێناوە، هاوسەرگیری کردووە و خاوەن یەک منداڵ. لە 21ـی ئابی 2024 وەک یەکەمین خانمە وەزیر لە کابینەکەی پزیشکیان دەستبەکاربوو، دووەم خانمە کە لە کۆماری ئیسلامی لە دوای مەرزیە وەحید دەبێتە وەزیر.