نێچیرڤان بارزانی: دەمانەوێت پەیوەندییەکانمان لەگەڵ ئێران بەرەوپێش ببەین

ئاڤا نیوز 

 

هەولێر و تاران جەخت لە فراوانکردنی پەیوەندییە هاوبەشییەکانیان دەکەنەوە و هاوڕان لەسەر ئەوەی خاکی هەرێمی کوردستان نەبێتە هۆکارێک بۆ پەلاماردانی وڵاتانی دراوسێ.

 

وێنە گەورەکە: مەسعود پزیشکیان، یەکەمین سەرۆککۆماری ئێرانە سەردانی هەرێمی کوردستان دەکات، ڕۆژی پێنجشەممە 12-09-2024 هاتە هەولێر و بەجیا لەگەڵ سەرۆک بارزانی و  شاندی باڵای هەرێمی کوردستان کۆبووەوە، دوای ئەوە کۆنگرەیەکی هاوبەشی لەگەڵ نێچیرڤان بارزانی، سەرۆکی هەرێمی کوردستان کرد.

 

لێدوانی فەرمی: نێچیرڤان بارزانی، سەرۆکی هەرێمی کوردستان ڕایگەیاند، "سەردانی سەرۆککۆماری ئێران بۆ هەرێمی کوردستان مێژووییە و لە کۆبوونەوەکە لە پەرەدان بە پەیوەندییە ئابووری، فەرهەنگی و ئەمنییەکان کردەوە".

 

زانیاریی زیاتر: لە بەشێکی دیکەی قسەکانیدا سەرۆکی هەرێمی کوردستان تیشکی خستە سەر ئەوەی، بڕوای هاوبەشیان هەیە لەسەر ئەوەی کە خاکی هەرێمی کوردستان نەبێتە هۆکارێک بۆ هەڕەشەکردن لە وڵاتانی دراوسێ.

 

بۆچوونی لایەنی بەرامبەر: مەسعود پزیشکیان، سەرۆککۆماری ئێران بە زمانی کوردی گوتی، "دەمانەوێ لەڕووی ئابووری، فەرهەنگیی و ئەمنیی پەرە بە پەیوەندییەکانمان بدەین، بە ئومێدی خودا سەرجەم کێشەکانمان لەگەڵ هەرێمی کوردستان چارەسەر دەکەین."