عێراق لە ڕووی دیموکراسییەوە لە ڕیزبەندی خراپترین وڵاتەكانی جیهاندایە

ئاڤا نیوز 

بەپێی بەدواداچوونێكی ماڵپەڕی "ئیكۆنۆمیست ئینتێڵیجێنس یونت"، دیموکراسی لە جیهاندا لە پاشەكشەدایە و 8%ـی دانیشتووانی جیهان لە دیموكراسی تەواوەتیدا دەژین، عێراقیش لە ڕیزبەندی خراپترین وڵاتەكانە. 

 

وێنە گەورەكە: ساڵی 2023 بە خراپترین ساڵ لە سەرتاسەری جیهاندا بۆ دیموكراسی هەژماردەكرێت، بەجۆرێک ئاستەكە گەڕاوەتەوە بۆ ئاستی ساڵی 2006 و رێژەی 40%ـی دانیشتووانی جیهان لەژێر دەسەڵاتی تاكڕەویدا دەژین، بەپێی پێوەرەكان لە ڕیزبەندی خراپترین وڵاتانی جیهاندا، عێراق لە ریزبەندی 128ـەمین دایە.

 

ئەوەی پێویستە بیزانیت: پێگەی ئیكۆنۆمیست ئینتێڵیجنس یونت دەڵێت، ساڵی ڕابردوو ساڵێکی ناخۆش بوو بۆ دیموکراسی و تێکڕای ڕێژەی جیهانی دابەزی بۆ نزمترین ئاستی ساڵی 2006.

 

ئەو مانایەی دەیگەیێنێت: لەنێو 165 دەوڵەت لە پێنوێنی دیموکراسی بۆ ساڵی 2023، عێراق لە پلەی 128ـەمین دێت لەسەر ئاستی جیهان، بەپێی ئەو پێوەرانە، ئێستا عێراق لە ناوچەی سووری مەترسیداری دەسەڵاتی تاكڕەوی، سەركوتكەر و نادیموكراسیدایە.