بابەتێکی دیکە بۆ بەشەخۆراکی مانگانە زیاد دەکرێت

ئاڤا نیوز

 

سەرەتای ساڵی 2025 بەشەخۆراکی ئەو کەسانە دەبڕدرێت کە مووچەی مانگانەیان لەسەروو دوو ملیۆن دینارە، هاوکات بابەتێکی دیکەش دەخرێتە سەر لیستی بەشەخۆراکی مانگانەی هاونیشتمانیان. 

لێدوانی فەرمی: نەوزاد شێخ کامیل، بەڕێوەبەری گشتیی وەزارەتی بازرگانی و پیشەسازی، بە ئاڤا نیوزی گوت: ماش لە بەشەخۆراکی مانگانە زیاد دەکرێت و لەم ساڵەوە بەسەر هاونیشتمانیان دابەش دەکرێت؛ لەبری نیسک، نۆک یان لەتکەنۆک، ماش دەنێردرێت.

زانیاری زیاتر: پێشتر مانگانە هەر یەک لە(نیسک، لەتکە نۆک، زەیت، دۆشاوی تەماتە، برنج، شەکر، ئارد، شەکر) دابەش دەکرا، ئێستا ماشیش زیادکراوە.

ئەوەش بزانە: ئەو کەسانەی مووچەکانیان لە دوو ملیۆن دینار زیاترە بە بڕیاری وەزارەتی بازرگانی و پیشەسازیی عێراق، لە ساڵی 2025 بەشەخۆراکی خۆی و خێزانەکەی دەبڕدرێت، هەرێمی کوردستانیش لەو بڕیارە بێ بەش نابێت. 

 

باکگراوند: دوای ساڵی 1991 بەشەخۆراکی مانگانە بەسەر هاووڵاتیانی عێراق دابەش دەکرێت، ئێستا زیاتر لە 44 ملیۆن کەس مانگانە لە نۆ بابەتی خۆراکی سودمەند دەبن.