هەموارکردنەوەی ماستەرپلانی هەولێر ڕادەگەیێنرێت

ئاڤا نیوز

 

دوای دوو ساڵ و نیو کارکردن تیایدا، هەفتەی داهاتوو هەموارکردنەوەی ماستەرپلانی هەولێر ڕادەگەیێنرێت.

 

وێنە گەورەکە: ماستەرپلان، دانانی سنوورێکی دیاریکراوە بۆماوەی 25 بۆ 30 ساڵ نەخشەی ئەندازەیی بۆ دەکێشرێت و فراوان بوون و کارکردن لە هەموو بوارەکان بەپێی ئەو نەخشەیە دەبێت کە دانراوە.

 

زانیاری بەدەستهاتوو: ئاڤا نیوز زانیویەتی، ڕۆژی یەکەشەممە 29-9-2024 لە هۆتێل دیڤانی هەولێر هەموارکردنەوەی ماستەپلانی هەولێر ڕادەگەیێنرێت، ئەمەش دوای دوو ساڵ و نیو کارکردن لە هەموارەکە لەگەڵ ئاژانسی جایکای یابانی.

 

بۆچی گرنگە: هەمواری ماستەرپلانی هەولێر بوارەکانی وەک دیزاین، شارسازی، ئابووری، کۆمەڵایەتی، ژینگەیی، ئاووئاوەڕۆ، خۆڵ و خاشاک، جوانکاری و چەندین لایەنی دیکە لەخۆدەگرێت، بە جێبەجێکردنی لە داهاتوو گۆڕانکارییەکی بەرچاو لەبوارانە بەدی دێت.

 

باکگراوند:  شاری هەولێر لەساڵی 2010-ەوە خاوەنی ماستەرپلانە، بەڵام ڕۆژی 9-1-2022 وەزارەتی شارەوانیی و گەشتوگوزار لەگەڵ ئاژانسی جایکای یابانی لێکتێگەیشتنی هەمواری ماستەرپلانی هەولێریان واژۆکرد.