جێگری سەرۆکی پارتی: حیزبەکانی دیکە بۆ بەرژەوەندی کەسیی ڕکابەری پارتی دەکەن

ئاڤا نیوز

 

مەسرور بارزانی، جێگری سەرۆکی پارتی دیموکراتی کوردستان لە هەڵمەتی بانگەشەی حیزبەکەیدا لە شاری هەولێر ڕایدەگەیێنێت، حیزبەکانی دیکە لە ئانووساتێک دروست نەبوون کە گەلی کورد پێویستی بە بزووتنەوەی ڕزگاریخوازی بێت، چونکە پارتی پێش ئەوان بوونی هەبووە.

 

وێنە گەورەکە: ڕۆژی 25-9-2024، بانگەشەی هەڵبژاردن دەستیپێکرد، ئەمڕۆ مەسرور بارزانی، جێگری سەرۆکی پارتی دیموکراتی کوردستان لەگەڵ بەشێک لە کەسایەتییە دیارەکانی شاری هەولێر کۆبووەوە و بەوبۆنەیەوە وتارێکی پێشکەش کرد.

 

لێدوانی فەرمی: مەسرور بارزانی، جێگری سەرۆکی پارتی دیموکراتی کوردستان ڕایگەیاند: حیزبەکانی دیکە بۆ بەرژەوەندی کەسیی ڕکابەری پارتی دەکەن، پارتی بۆ بەرگری لە مافە نەتەوەیی و نیشتمانییەکانی کوردستان دروست بووە، تا کوردستان بە کەناری ئارامی بگەیەنێت.

 

زانیاریی زیاتر: جێگری سەرۆکی پارتی لە گوتارەکەیدا ئاماژەی بۆ ئەوەدا، ئێستاش ململانێکان بەرامبەر پارتی بەردەوامە، بەڵام لە چەکەوە بۆ سۆشیاڵمیدیا گۆڕاوە.

 

لە لایەکی دیکەوە: "ئەوانەی چاویان لە گیرفان پڕکردن و ڕاکردنە شیاوی متمانەپێکردن نین، دەبێت خەڵک بزانن کە ئەو بڕیارانەی دەیدەن شێوازی حکومڕانی هەرێمی کوردستان دەستنیشان دەکات." مەسرور بارزانی، جێگری سەرۆکی پارتی وای گوت.

 

باکگراوند: ىڕیارە ڕۆژی 20-10-2024، هەڵبژاردنی گشتیی خولی شەشەمی پەرلەمانی کوردستان دەکرێت.