موقتەدا سەدر پەیامێک لەبارەی کوژرانی حەسەن نەسڕوڵڵا بڵاودەکاتەوە

ئاڤا نیوز

 

ڕێبەری باڵای نیشتمانیی شیعە بەبۆنەی کوژرانی ئەمینداری گشتیی حیزبوڵڵا پەیامێکی بڵاوکردەوە و  سێ ڕۆژ ماتەمینی لە عێراق ڕاگەیاند.

 

وێنە گەورەکە: ڕۆژی شەممە 28-9-2024، سوپای ئیسرائیل کوژرانی حەسەن نەسروڵڵا، ئەمینداری گشتیی حیزبوڵڵای لوبنانی لە هێرشێکی ئیسرائیل بۆ سەر باڵەخانەیەک لە بەیرووت ڕاگەیاند، دوای چەند کاتژمێرێک حیزبوڵڵا کوژرانی سەرکردەکەیانی پشتڕاست کردەوە.

 

بڵاوکراوەی فەرمی: موقتەدا سەدر، ڕێبەری باڵای نیشتمانیی شیعە لە پەیامێکدا لە تۆڕی X نووسیویەتی: "ماڵئاوا هاوەڵ لەسەر ڕێگای بەرخودان و دژایەتیکردن، لە خودا داواکارم سەرجەم هێزەکانی مقاوەمە بە دیداری پێغەمبەرمان (د.خ) و ئیمام عەلی و نەوەکانی و ئیمام حوسێن شاد بکات".

 

لەلایەکی دیکەوە: لە پەیامەکەیدا ڕێبەری باڵای نیشتمانی شیعە لە عێراق بەو بۆنەیەوە سێ ڕۆژ ماتەمینی لە عێراق ڕادەگەیێنێت.