وادەی پڕكردنەوەی زانکۆلاین درێژ دەکرێتەوە

ئاڤا نیوز

 

وەزارەتى خوێندنى باڵا و توێژینەوەى زانستى بۆ پێدانى دەرفەتى زیاتر بە دەرچووانى دوازدەى ئامادەیى بە تایبەت ئەوانەی تاوەکو ئێستا فۆڕمەکەیان پڕنەکردووەتەوە، تاوەکو 05-10-2024 دەرفەتیان لەبەردەمە بۆ پڕکردنەوەی فۆڕمی وەرگیران لە زانکۆ و پەیمانگەکان.

 

وێنە گەورەکە: ڕۆژی 21-09-2024 وەزارەتی خوێندنی باڵا و توێژینەوەی زانستیی کاراکردنی فۆڕمی زانکۆلاینی تاوەکو 01-10-2024 ڕاگەیاند، تاوەکو ئێستا ڕێژەی 30% دەرچووان فریای پڕکردنەوەی نەکەوتوون، ئەمڕۆ وادەکە بۆ پێنج ڕۆژی دیکە درێژکرایەوە.

 

ڕاگەیێنراوی فەرمی: بە گوێرەی ڕاگەیێنراوی فەرمی وەزارەتی خوێندنی باڵا و توێژینەوە زانستی تاکو پێشنیوەڕۆى ڕۆژی دووشەممە 71%ى دەرچووانى ئەمساڵ داواکارییان لە ڕێگەى زانکۆلاین پێشکەشکردووە کە ژمارەیان 39 هەزار قوتابییە، شەش هەزار دەرچووی ساڵانی ڕابردووش داواکارییان پێشکەشکردووە."

 

زانیاریی زیاتر: ڕیژەی 30% دەرچووان ماون فۆڕمی داواکاری پێشکەش بکەن، تاوەکو بەرواری 05-10-2024 کاتژمێر 12:00 ی شەو دەرفەتیان لە بەردەمە بۆ پڕکردنەوەی فۆڕمەکە.

 

ئەوەی پێویستە بیزانیت: ئەمساڵ لە کۆی 122 هەزار قوتابی کە بەشداری ئەزموونە گشتییەکانی پۆلی 12 یان کرد، نزیکەی 57 هەزار قوتابی کە ڕێژەی 46% دەکات دەرچوون و بڕیارە سەرجەمیان لە زانکۆ و پەیمانگەکانی هەرێمی کوردستان وەربگیرێن.