ئەنجوومەنی پارێزگای سەڵاحەددین فەرمانی سەرۆککۆماری عێراق ڕەتدەکاتەوە

ئاڤا نیوز 

 

ئەنجوومەنی پارێزگای سەڵاحەددین وەڵامی ئەو فەرمانەی سەرۆککۆماری عێراق دەداتەوە کە ڕەتیکردبووەوە "ئەبو مازن" وەک پارێزگاری سەڵاحەددین پەسەند بکات. 

 

چیرۆکە سەرەکییەکە: دوای ئەوەی ئەحمەد جبووری کە بە "ئەبو مازن" ناسراوە لە دەنگدانی ئەنجوومەنی پارێزگای سەڵاحەددین زۆرترین دەنگی بەدەستهێنا، بەڵام لەلایەن عەبدوللـەتیف ڕەشید، سەرۆککۆماری عێراقەوە ئەو کاندیدەی لیستی جەماهیری وەتەنیە ڕەتکرایەوە و پەسەند نەکرا، ئەمەش بەهۆی ئەوەی کە “پێشتر بە چەند دۆسیەیەکی تاوانکاری سزادراوە".

 

ئەوەی ئێستا ڕوودەدات: ڕۆژی شەممە هاوپەیمانیی جەماهیری وەتەنیە (یەکێتیی نیشتمانیی کوردستانیشی تێدایە) ئەو فەرمانەی سەرۆککۆماری ڕەتکردەوە، لە نووسراوێكی فەرمیدا کە ڕۆژی 18-02-2024 دەرچووە، ئەنجوومەنی پارێزگای سەڵاحەددین لە پێنج خاڵدا نووسراوەکەی سەرۆککۆماری عێراق ڕەتدەکەنەوە. 

 

زانیاریی زیاتر: لە نووسراوی ئەنجوومەنی پارێزگای سەڵاحەددیندا هاتووە: فەرمانی سەرۆککۆمار پێگەی یاسایی ئاشکرا دەکات و جێگیری ناکات، واتە پێشتر "ئەبو مازن" لێبووردنی بۆ دەرچووە و بەپێی یاسا بەشداری لە هەڵبژاردنەکاندا کردووە و دەرچووە.