جووتیارێکی کورد لە دەستی داعش ئازاد کرا

ئاڤا میدیا

 

دوای مانگێک مانەوە لەدەستی چەکدارانی داعش، بەرامبەر پێدانی پارە جووتیارە کوردەکەی گوندی کتکەی پردێ ئازاد کرا.

 

وێنە گەورەکە: ئەگەرچی لە عێراق چەکدارانی داعش هیچ شارێکیان بەدەستەوە نییە، بەڵام بەشێوەی گروپی بچووک دەردەکەون و زیان بە هاونیشتمانیان یان هێزە ئەمنییەکان دەگەیەنن.

 

چیرۆکە سەرەکیەکە: درەنگانی شەوی 6-9-2024 لە گوندی کتکەی ناحیەی پردێ، چەکدارانی داعش جووتیارێکی تەمەن 31 ساڵانەیان بەناوی ڕابەر حوسێن ڕفاند، سەرەتا هیچ زانیارییەک نەبوو لەبارەی چارەنووسی، بەڵام دوای چەند ڕۆژێک دەرکەوت چەکدارانی داعش ڕفاندوویانە.

 

زانیاریی بەدەستهاتوو: ئاڤا نیوز زانیویەتی دوای هەوڵێکی زۆر لەلایەن کەسوکارەکەیەوە، بڕێکی زۆر پارە دراوەتە چەکدارانی داعش بۆ ئازادکردنی ڕابەر حوسێن، ئێستا گەڕاوەتەوە ناو خانەوادەکەی.

 

باکگراوند: کتکە گوندێکی سنووری پردێیە لە پارێزگای کەرکووک و تەواوی دانیشتووانەکەی کوردن، لە ماوەی ڕابردووشدا چەند جموجۆڵێکی چەکداریی داعش لەو ناوچانە بەدیکراون.