دوو داعش لە پارێزگای سەڵاحەددین دەستگیر دەکرێن

ئاڤا نیوز

 

ئاژانسی هەواڵگریی عێراق دوو چەکداری ڕێکخراوی داعشی لە پارێزگای سەڵاحەددین دەستگیر کرد کە لە "دیوانی جوند"ی ڕێکخراوەکە کاریان کردووە و بەشدرابوونە لە چەندین هێرشی سەر هێزە ئەمنییەکان.

 

وێنە گەورەکە: هەواڵگریی عێراق بە هەماهەنگیی سوپا لە پارێزگای سەڵاحەددین و چەند پارێزگایەکی دیکە، بەردەوام ئۆپەراسیۆن بۆ دەستگیرکردنی تیرۆریستان ئەنجامدەدات. 

 

ڕاگەیێنراوی فەرمی: ئاژانسی هەواڵگری و لێکۆڵینەوەی فیدراڵی لە بەیاننامەیەکدا ڕایگەیاند: بەپێی زانیاریی وردی هەواڵگریی پێشینە لە ئۆپەراسیۆنێکدا دوو چەکداری ڕێکخراوی داعش لە پارێزگای سەڵاحەددین دەستگیرکران.

 

زانیاریی زیاتر: دوو تۆمەتبارەکە دانیان ناوە بە ئەندامبوونیان لە ڕێکخراوی داعش و پێشتر لە دیوانی جوند لە فیرقەی قادسیەی ڕێکخراوەکە کاریان کردووە و لە چەندیین ئۆپەراسیۆن دژی هێزە ئەمنییەکانی عێراق بەشدارییان کردووە.

 

ئەوەی پێویستە بیزانیت: لە ماوەی ڕابردوودا سوپای عێراق 36 چەکداری ڕێکخراوی داعشیان لە سنووری پارێزگای سەڵاحەددین و دەوروبەری کوشتووە و ئۆپەراسیۆنەکان بەردەوامن بۆ بە دەستگیرگرتنی تیرۆریستان.