هەرێمی کوردستان ئۆتۆمبێلی کارەبایی دروست دەکات

ئاڤا نیوز

هاوشێوەی دروستکردنی مۆبایل، لە ئایندەیەکی نزیکدا لە هەرێمی کوردستان کارگەیەکی دروستکردنی ئۆتۆمبێلی کارەبایی دەکرێتەوە.

وێنە گەورەکە: لە هەرێمی کوردستان هیچ کارگەیەکی دروستکردنی ئۆتۆمبێل نییە، چەند وەبەرهێنەرێک داواکارییان پێشکەش کردووە بۆ وەرگرتنی مۆڵەت و دامەزراندنی کارگەیەک لە هەولێر،  حکومەتیش دەیەوێت بچێتە ڕیزی وڵاتە پێشکەوتووەکانی جیهان و لە ئۆتۆمبێلی کارەباییەوە دەستپێبکات.

 

لێدوانی فەرمی: د.محەممەد شوکری، سەرۆکی دەستەی وەبەرهێنەران بە ئاڤا نیوزی گوت: "ساڵی داهاتوو ئۆتۆمبێلی کارەبایی لە هەرێمی کوردستان بە دەستی کرێکارانی خۆماڵی دروست دەکرێت، کۆمپانیایەک لە قۆناغی کۆتایی وەرگرتنی مۆڵەت دایە و ئێمەش وەکو حکومەت هەموو پاڵپشتییەکی دەکەین".
 

لەلایەکی دیکەوە: کابینەی نۆیەمی حکومەتی هەرێمی کورستان گرنگییەکی زۆری بە کەرتی وەبەرهێنان داوە و  مۆڵەتی بە 449 پرۆژە داوە.

باکگراوند: مانگی نۆی ئەمساڵ كارگەی "ئینفینیکس" بۆ دروستکردنی مۆبایلی زیرەك، وەک یەکەم کارگە لە ڕۆژهەڵاتی ناوەڕاست بە هاوكاریی شارەزایانی چینی لە بواری تەكنەلۆژیا لە هەولێر کرایەوە و مانگانە توانای دروستکردنی 30 هەزار مۆبایلی هەیە.

 

د. محەممەد شوکری باسی دروستکردنی ئۆتۆمبێلەکە دەکات