لە دهۆک 22 خاڵی پشکنین بۆ جێبەجێکردنی قەدەغەی هاتووچۆ دانراون

ئاڤا نیوز

 

بەهۆی پرۆسەی سەرژمێرییەوە لە شەوی ڕابردووەوە قەدەغەی هاتووچۆ لە عێراق و هەرێمی کوردستان دەستیپێکردووە، هێزە ئەمنییەکان خاڵی پشکنینیان داناوە بۆ ئەوەی هاووڵاتیان لە ماڵەکانیان دوور بکەوەنەوە و لەنێو پرۆسەکە تۆمار بکرێن.

 

وێنە گەورەکە: ڕۆژانی 20 و 2024/11/21 قه‌ده‌غه‌ى هاتووچۆیە و پێويسته‌ هه‌موو كه‌سێک له‌ ماڵه‌وه‌ ‌بێت، چونکە بژمێرەکان سەردانی ماڵەکان دەکەن و دڵنيا ده‌بنه‌وه‌ له‌وه‌ى هيچ خێزانێک له‌بير نه‌كرابێت، چونکە لە 22ـی مانگ فۆرمى تۆمارى خێزان داده‌خرێت و هيچ خێزانێکی دیکە تۆمار ناكرێت.

 

لێدوانی فەرمی: ماجد سەید ساڵح، جێگری پارێزگاری دهۆک بە ئاڤا نیوزی گوت: لە سەنتەری پارێزگای دهۆک بە ئامانجی جێبەجێکردنی قەدەغەی هاتووچۆ، 22 خاڵی پشکنین دانراون و بۆماوەی 48 کاتژمێر بەردەوام دەبێت، هەر کەسێک سەرپێچی بکات ڕێکاری یاسایی بەرامبەر دەگیرێتەبەر.

 

ئەوەی پێوستە بیزانیت: لەو دوو ڕۆژەدا، بژمێره‌كانى سه‌رژمێرى سه‌ردانى هه‌موو ماڵەکان ده‌كه‌نه‌وه‌ و دڵنيا ده‌بنه‌وه‌ له‌وه‌ى هيچ خێزانێک له‌بير نه‌كرابێت، چونکە دواى كاتژمێر 12ـی شه‌وى 21 له‌سه‌ر 22 فۆرمى تۆمارى خێزان داده‌خرێت و هيچ خێزانێک تۆمار ناكرێت.