کاتی ڕاگەیاندنی ئەنجامی سەرەتایی پرۆسەی سەرژمێری ئاشکرا دەکرێت

ئاڤا نیوز

 

لیژنەی باڵای ڕاگەیاندن بۆ سەرژمێری دانیشتووان ڕایدەگەیێنێت، ناوەندی ئۆپەراسیۆنەکانی وەزارەتی پلاندانان بەردەوامە لە وەرگرتنی داتاکان و ئاماژە بۆ ئەوە دەکات، ئەنجامە سەرەتاییەکان لەماوەی 48 کاتژمێردا دوای وەرگرتنی ئامارەکان ڕادەگەیێنرێن.

 

وێنە گەورەکە: بەرەبەیانیی ڕۆژی چوارشەممە 20-11-2024، قۆناغی دووەمی پرۆسەی سەرژمێریی گشتی لە سەرجەم ناوچەکانی هەرێمی کوردستان و عێراق بەڕێوەچوو، هاوکات ماوەی دوو ڕۆژیش قەدەغەی هاتووچۆ دەبێت.

 

لێدوانی فەرمی: حەیدەر مەجید، لیژنەی باڵای ڕاگەیاندن بۆ سەرژمێری دانیشتوان بە ئاژانسی هەواڵی عێراقی ڕاگەیاند: "بژمێرەکان لە بەربەیانی ئەمڕۆوە دەستیان بە پرۆسەی سەرژمێری کردووە بە مەبەستی مۆرکردن و پشتڕاستکردنەوەی داتاکان و ناردنی بۆ سەنتەری داتا".

 

زانیاریی زیاتر: بە گوتەی حەیدەر مەجید، وەزارەتی پلاندانان پشت بەو داتایانە دەبەستێت و دوای تەواوبوونی ئەو زانیارییە لەماوەی 48 کاتژمێردا ئەنجامە سەرەتاییەکان ڕادەگەیەنرێت.