سەرۆککۆماری عێراق: لە ململانێی سیاسیدا تەنیا خەڵک باجەکەی دەدات

ئاڤا نیوز

 

لەتیف ڕەشید، سەرۆککۆماری عێراق لە وتارێکدا کە لە  پێنجەمین كۆڕبەندی مێپس پێشكەشی كرد، ڕایگەیاند،  لە ململانێی سیاسیدا تەنیا خەڵکی وڵاتەکەمان باجەکەی دەدات.

 

وێنە گەورەکە: ئەمڕۆ هەینی 22/ 11/ 2024، بە بەشداری سەرۆك بارزانی و زیاتر لە 120 سەرۆك و كەسایەتییەكانی جیهان و ناوچەكە و عێراق، پێنجەمین کۆڕبەندی ئاشتی و ئاسایشی ڕۆژهەڵاتی ناوەڕاست 'مێپس-2024' لە شاری دهۆك بەڕێوە دەچێت، تەوەری سەرەكی كۆڕبەندەكەش؛ ناكۆكییەكانی ناوچەكە و ئالیەتی ڕێگریكردنە لە فراوانبوونی گرژییەكان.

 
لێدوانی فەرمی: لەتیف ڕەشید، سەرۆککۆماری عێراق ڕایگەیاند: ئەزموونی ناوچەکە فێری ئەوەی کردووین، بەبێ ئاشتی و ئاسایش، هیچ پێشکەوتنێک و ئاوەدانییەک بەدیناکرێت.

 

لەلایەکی دیکەوە: لەبەشێکی دیکەی گوتارەکەیدا سەرۆککۆماری عێراق ئاماژەی بەوەشدا، عێراق و ناوچەکە بە بارودۆخێکی ئاڵۆزدا تێدەپەڕێت، لەسەر هەموو لایەک پێویستە پێکەوە چارەسەری گونجاوی بۆ بدۆزنەوە و هەوڵ بدەن کێشەکان چارەسەربکەن و ئاشتیی و ئاسایش بەرقەرار بێت.