هەولێر.. تۆمارکردنی هاونیشتمانییان لە سەرژمێری بە ڕێژەی 100٪ بوو

ئاڤا نیوز

 

قۆناغی دووەمی سەرژمێری لە عێراق و هەرێمی کوردستان بەڕێوەچوو، لە سەرتاسەری سنووری هەولێر بژمێرەکان خێزانەکانیان تۆمار کردووە.

 

وێنە گەورەکە: قۆناغی دووەمی سەرژمێری لە هەولێر کۆتایی هات، هاوکات تۆمارکردنی خێزانەکان لە سنووری پارێزگاکەکە، بەڕیژەی 100% بوو.

 

لێدوانی فەرمی: ئومێد خۆشناو، پارێزگاری هەولێر ڕایگەیاند: سوپاسی هاووڵاتییان و دانیشتووان دەکەم کە پابەندبوون بە بڕیار و ڕێنماییەکانی ڕۆژانى قەدەغەی هاتووچۆ، هاوکار و هەماهەنگی تیمەکانی سەرژمێری بوون، سوپاس بۆ هەوڵ و ماندووبوونى تیمەکانی سەرژمێری و هەموو فەرمانگە و لایەنە پەیوەندیدارەکان، کە بوونە هۆى سەرخستن و سەرکەوتنی پڕۆسەکە لە سنوورى پارێزگاکەمان.

 

ئەمەش بزانە: "هیوادارین ئەو سەرژمێرییە، کە ماوەی چەندین ساڵە لە عێراق ئەنجام نەدراوە، ببێتە بنەمایەکی دادپەروەرانەی دابینکردنی بودجە و شایستەی هاوڵاتییانی عێراق و هەرێمی کوردستان بە گشتیی، لە نێویدا هەولێری پایتەخت.