فەوزی هەریری: لایەنە سیاسییەكان نەیانتوانیوە بە یەكگرتوویی چارەسەری كێشەكان بكەن

ئاڤا نیوز

سەرۆكی دیوانی سەرۆكایەتیی هەرێمی كوردستان ڕایگەیاند، سەرەڕای بڕیارەكانی دادگەی فیدڕاڵی عێراق سەبارەت بەپێكهاتەكان، پێویستە قەوارەی هەرێمی كوردستان بە ئەنجامدانی هەڵبژاردن بپارێزین.

وێنە گەورەكە: دادگەی فیدراڵی عێراق 11 كورسی كۆتاكانی كریستیان، توركمان و ئەرمەنیی لە پەرلەمانی كوردستان هەڵوەشاندەوە و ژمارەی كورسییەكانی بۆ 100 كورسی كەمكردەوە.

لێدوانی فەرمیی: فەوزی هەریريی، سەرۆكی دیوانی سەرۆكایەتیی هەرێمی كوردستان، بۆ ئاڤا نیوز گوتی: زوڵمێكی زۆر لە پێكهاتەكان كراوە، هۆكارەكەش ناوخۆیی بووە كە لایەنە سیاسییەكانی هەرێمی كوردستان نەیانتوانی ڕێگە و میكانیزمێك بدۆزنەوە و لەگەڵ یەكتر كاربكەن بكەن بۆ چارەسەركردنی ئەم كێشەیە، بەهۆیەوە پرسەكە گەیشتە دادگەی فیدراڵیی.

ئەوەی پێویستە بیزانیت: سەرەڕای هەموو ئەو گرفتانەی ڕووبەڕوومان دەبێتەوە، پێویستە قەوارەی هەرێمی كوردستان بپارێزین، بۆ ئەمەش دەبێت هەڵبژاردن ئەنجام بدرێت. سەرۆكی دیوانی سەرۆكایەتیی هەرێمی كوردستان وای گوت.