ئەمڕۆ ڕۆژی جیهانیی بەرەنگاربوونەوەی نەخۆشی ئایدزە

تەندروستی
1 کانوونی یەکەم

شەیری بکە لە:

ئەمڕۆ ڕۆژی جیهانیی بەرەنگاربوونەوەی نەخۆشی ئایدزە

نیشانەی ناسراو کە گوزارش لە تووشبوون بە نەخۆشی ئایدز دەکات وینە: bbc

ئاڤا نیوز

هەموو ساڵێک سەرەتای مانگی 12 وەکو ڕۆژی بەرەنگاربوونەوە و هۆشیاریی بەرامبەر نەخۆشی ئایدز دەستنیشان کراوە.

ئەوەی پێویستە بیزانیت: ئایدز نەخۆشییەکی ڤایرۆسییە و دەبێتە هۆی لاوازبوونی کۆئەندامی بەرگریی جەستەی مرۆڤ بەهۆی تێکشکاندنی سیستمی بەرگرییەوە لەلایەن ڤایرۆسەکەوە، کەسی تووشبوو توانای بەرەنگاری بەرامبەر نەخۆشییەکان نامێنێت.

زانیاریی زیاتر: بەپێی ئاماری ڕێكخراوی تەندروستی جیهانی، تاوەکو ئێستا زیاتر لە 40 ملیۆن کەس لە سەرانسەری جیهان تووشی ئەم ڤایرۆسە بوون و زۆرترین ڕێژەی تووشبوونیش لە ئەفریقا و ڕۆژهەڵاتی ناوەڕاستە، ڕێژەی مردنیش بەهۆیەوە تاوەکو ساڵی 2023، نزیکە 40 ملیۆن كەسە لە تەواوی جیهاندا.

هۆیەکانی گواستنەوە ئەم ڤایرۆسە چین؟

- وەرگرتنی خوێن لە کەسی تووشبوو بە ڤایرۆسەکە.

- بەکارهێنانەوەی ئامێر یاخوود هەر کەرستەیەکی تر کە خوێن و یاخود هەر شلەیەکی دیکەی کەسی تووشبووی پێوەبێت.

- ئەنجامدانی پەیوەندی سێکسی لەگەڵ کەسی تووشبوو.

- گواستنەوەی نەخۆشییەکە لە دایکی تووشبوو بە ڤایرۆسەکە بۆ منداڵ لە ڕێگەی شیرپێدانەوە.

- چاندنی ئەندام و شانە بەبێ پشکنینی پێشووەختە بۆ کەسی بەخشەر.

نیشانەکانی تووشبوون بەو ڤایرۆسە چین؟

- نیشانەکانی تووشبوون بە ڤایرۆسەکە بەپێی قۆناغی تووشبوون دەگۆڕێت.

- لە چەند مانگی سەرەتا بڵابوونەوەی ڤایرۆسەکە زۆر خێرایە و درک بە تووشبوونی ناکرێت.

- کەسی تووشبوو تووشی سەر ئێشەی قورس دەبێت.

- دەرکەوتنی پەڵەی پێست لەسەر جەستەی کەسی تووشبوو.

- ئاوسانی گەروو بە شێوازی لەناکاو.