لە عێراق تەنیا لە کاتژمێرێکدا 10 هاوژین جیادەبنەوە

ئاڤا نیوز

 

لە مانگی ڕابردوو ڕۆژانە لە پارێزگاکانی عێراق لەهەر کاتژمێرێکدا 10 هاوژین جیابوونەتەوە، بەراورد بە ساڵی ڕابردوو بە ڕێژەیەکی بەرچاو زیادی کردووە. 

 

لێدوانی فەرمی: حازم ڕدێنی، جێگری سەرۆکی سەنتەری ستراتیژی بۆ مافەکانی مرۆڤ ڕایگەیاند: لە مانگی کانوونی دووەمی ئەمساڵ، لە 15 پارێزگای عێراق جگە لە پارێزگاکانی هەرێمی کوردستان 7 هەزار و 453 جیابوونەوە تۆمار کراون. 

 

ژمارەکان وادەڵێن: ڕۆژانە 248 جیابوونەوە تۆمار دەکرێن، واتە لە کاتژمێرێکدا زیاتر لە 10 هاوژین جیادەبنەوە، لەکاتێکدا لە هیچ مانگێکی ساڵی 2023، جیابوونەوەی نۆ هاوژین تۆمار نەکراون.

 

ئەو مانایەی دەیگەیێنێت: بەرزبوونەوەی ڕێژەی جیابوونەوە بەمشێوەیە "ئاماژەیەکی مەترسیدارە و هەڕەشەیە بۆ سەر خێزانی عێراقی".