مووچەی مانگی 11ی مامۆستایانی گرێبەست و شایستەی دارایی دوو مانگ دابەش دەکرێت

ئاڤا نیوز

 

سبەی مووچەی مانگی 11ی مامۆستایانی گرێبەستی سەر بە وەزارەتی پەروەردە لە سەرتاسەری هەرێمی کوردستان دابەش دەکرێت، لە سنووری پارێزگاکانی هەولێر و دهۆکیش بڕیارە ئەم هەفتەیە و لە ماوەی سێ ڕۆژدا شایستەی دارایی دوو مانگی سەردەمی وانەبێژی وەربگرن.

لێدوانی فەرمی: کارۆخ عەبدوڵڵا، نوێنەری مامۆستایانی گرێبەست بە ئاڤا میدیای ڕاگەیاند: "لەلایەن وەزارەتەکانی پەروەردە و دارایی ئاگادار کراوەنەتەوە کە ڕەزامەندی لەسەر خەرجکردنی شایستەی دارایی مانگی (حەوت و هەشت)ی مامۆستایانی گرێبەست لە سنووری پارێزگاکانی هەولێر و دهۆک دراوە.

ئەمە لەکاتێکدایە  لە سنووری سلێمانی و دەوروبەری، لە هەفتەی ڕابردووەوە دەست بە دابەشکردنی شایستەی دارایی مانگەکانی  حەوت و هەشتی مامۆستایانی  گرێبەست کراوە و ئەمڕۆ کۆتایی پێهات و سەرجەم مامۆستایانی گرێبەست پارەی دوو مانگەکەیان وەرگرت.

 

لەلایەکی دیکەوە: ڕۆژی شەممە مووچەی وەزارەتی پەروەردە خەرج کرا، بەڵام مامۆستایانی گرێبەست بەهۆی کورتهێنانەوە مووچەیان وەرنەگرت. ئەمڕۆ لە ڕاگەیێنراوێکدا وەزارەتی دارایی و ئابووریی هەرێمی کوردستان ڕایگەیاند: سبەی سێشەممە مووچەیان دابەش دەکرێت.