دەستەی دەستپاکیی عێراق: زیاتر لە 77 ملیار دینار لە دروستکردنی یاریگەیەک بەفیڕۆدراوە

ئاڤا نیوز

 

دەستەی دەستپاکیی عێراق بەهەدەردانی پارەی گشتی و دواکەوتنی پڕۆژەیەکی وەرزشی بە بەهای زیاتر لە 77 ملیار دینار ئاشکرا کرد و ڕایگەیاند، پارەی پرۆژەکە خوراوە. 

 

چیرۆکی سەرەکی: ڕێوشوێنی یاسایی بەرامبەر کۆمپانیایەکی ئیتاڵی گیراوەتەبەر کە بەرپرسبووە لە جێبەجێکردنی پڕۆژەی یاریگەیەکی ئۆڵۆمپی لە سەماوە؛ سەرمایەی پرۆژەکە زیاتر لە 77 ملیار دینار بووە، ئێستا پارەکە دیار نییە و پڕۆژەکەش تەواو نەکراوە.

 

ئەوەی پێویستە بیزانیت: لە لێکۆڵینەوەکان دەرکەوتووە پرۆژەکە لە 3-1-2014 دراوەتە کۆمپانیا ئیتاڵییەکە و بڕیاربووە لە 29 مانگدا تەواو بکرێت، بەڵام تاوەکو ئێستا لە 27%ـی پرۆژەکە تەواوکراوە.