هەفتەی داهاتوو ئەنجامی دامەزراندنی هەزار کەس بە گرێبەست لە شنگال ڕادەگەیێندرێت

ئاڤا نیوز

 

چاوەڕوان دەکرێت هەفتەی داهاتوو ئەنجامی دامەزراندنی 17050 کەس لە نەینەوا ڕابگەیێندرێت، کە هەزار کەسیان تایبەتن بە شنگال.

 

وێنە گەورەکە: ئەو  17 هەزار و 50 کەسە لە کۆی ئەو 150 هەزار دامەزراندن بە گرێبەستەیە کە لە بودجەی سێ ساڵەی 2023 و 2024 و 2025ـی عێراق دیاریکراون، کە بەگوێرەی ژمارەی دانیشتووان و پێویستیی وەزارەتەکان بەسەر قەزا و ناحیەکانی پارێزگاکەدا دابەشکراون.

 

لێدوانی فەرمیی: ئەمڕۆ شەممە 11-01-2025 نازم هەرکی، بەرپرسی لقی 17ـی پارتی دیموکراتی کوردستان بە ئاڤا نیوزی گوت: لەو 17050 دامەزراندنە، هەزاریان تایبەتن بە قەزای شنگال و 50 کەسیشیان بۆ فڕۆکەخانەی موسڵ دادەمەزرێنرێن. ئەوانی دیکە بەگوێرەی پێویستیی وەزارەتەکان بەسەر قەزا و ناحیەکانی پارێزگاکەدا دابەشکراون.

 

ئەوەی پێویستە بیزانیت: "ئەوانەی دەرچووی زانکۆ و پەیمانگەکانی هەرێمی کوردستانن و خەڵکی ناوچەکانی ماددەی 140ـن، مافی پێشکەشکردنیان هەبووە و بڕیارە لە 10 ڕۆژی داهاتوودا ئەنجامەکە ڕابگەیێنرێت". نازم هەرکی وا دەڵێت.

 

زانیاریی زیاتر: دامەزراندنەکە بەشێوەی گرێبەستە و بۆ سێ ساڵە، کەسی دامەزراو مانگانە 300 هەزار دینار وەردەگرێت.