پەرلەمانی عێراق لەبارەی نەوتی کوردستان خوێندنەوەی دووەم بۆ پڕۆژەیاسای بودجە دەکات

ئاڤا نیوز

 

ئەمڕۆ پەرلەمانی عێراق کۆدەبێتەوە و دەنگدان و خوێندنەوەی یەکەم و دووەم بۆ نۆ پڕۆژەیاسا دەکات، کە دیارترینیان خوێندنەوەی دووەمە بۆ هەمواری یاسای بودجە و دەستپێکردنەوەی هەناردەی نەوتی هەرێمی کوردستان.

 

ئەوەی پێویستە بیزانیت: بەگوێرەی هەمواری یاسای بودجە، تێچووی بەرهەمهێنان و گواستنەوەی نەوتی کوردستان لە 6 دۆلارەوە بۆ 16 دۆلار زیاد دەکرێت، لەسەر ئەو بنەمایەش بڕیارە هەناردەی نەوتی هەرێمی کوردستان ڕاستەوخۆ دەستپێبکاتەوە.

 

ڕاگەیێنراوی فەرمی: پەرلەمانی عێراق کارنامەی دانیشتنی ئەمڕۆ دووشەممەی بڵاوکردووەتەوە، دیارترین بڕگەکانی کۆبوونەوەکەش بریتین لە دەنگدان لەسەر پڕۆژەیاسای دەزگای هەواڵگریی نیشتیمانیی، دەنگدان لەسەر پڕۆژەیاسای تەندروستی دەروونی، خوێندنەوەی یەکەم بۆ هەمواری یاسای خاوەن پێداویستییە تایبەتییەکان و پاراستنی مافی کەمینەکانە.

 

بۆچی گرنگە: هەر لەو کۆبوونەوەیەدا خوێندنەوەی دووەم بۆ هەمواری یاسای بودجەی عێراق دەکرێت و ئەو بڕگەیەی تایبەتە بە خەرجی بەرهەمهێنان و گواستنەوەی نەوتی هەرێمی کوردستان، هەموار دەکرێتەوە.