زانكۆی سەڵاحەدین پێشەنگی زانكۆكانی كوردستانە

ئاڤا نیوز

 

بەپێی ڕیزبەندییەک و لەسەر بنەمای شەش پێوەری ئەکادیمی زانکۆی سەڵاحەدین-هەولێر بە پێشەنگی زانکۆکانی کوردستان دادەنرێت.

لێدوانی فەرمی: سامان عەبدوڵڵا، بەرپرسی ڕاگەیاندنی زانکۆی سەڵاحەدین بە ئاڤا نیوزی ڕاگەیاند: بەپێی بڵاوکراوەی وەزارەتی خوێندنی باڵا و توێژینەوەی زانستی لە ڕیزبەندی نێودەوڵەتی ئەدای ئەکادیمی زانکۆکان کە بە (URAP) ناسراوە  زانکۆی سەڵاحەدین - هەولێر لەسەر ئاستی زانکۆ حکومییەکان توانیویەتی پلەی یەکەم بەدەست بهێنێت.

بۆچی گرنگە: ئەو ڕیزبەندییە کە تایبەتە بە ئەدای ئەکادیمی زانکۆکان و تێیدا زانیاری لەبارەی سێ زانکۆ و  پەیمانگەی خوێندنی باڵا کۆکراوەتەوە، لەسەر بنەمای شەش پێوەری ئەکادیمی نمرەی گشتی هەر زانکۆیەک دەرکراوە و بۆ ساڵی (2022-2023) ڕیزبەندییان بۆ کراوە، لەسەر ئاستی عێراق 14 زانکۆ ناویان تۆمارکراوە.

ئەوەی پێویستە بیزانیت: ڕیزبەندی ئەدای ئەکادیمی زانکۆکان (URAP) ڕێکخراوێکی قازانج نەویستە، لە ساڵی 2009 لە پەیمانگەی زانیاریی لە زانکۆی تەکنیکی ڕۆژهەڵاتی ناوەڕاست دامەزراوە. ئەندامانی تیمی (URAP)  توێژەرن لە (METU)، کە خۆبەخشانە وەک خزمەتگوزارییەکی گشتی بەشداری لە تاقیگەی توێژینەوەی (URAP)  دەکەن. ئامانجی سەرەکی (URAP) بریتییە لە پەرەپێدانی سیستمێکی ڕیزبەندی بۆ زانکۆ جیهانییەکان لەسەر بنەمای پێوەرەکانی ئەدای ئەکادیميی.