بڕی بەنزینی حکومی بۆ بەنزینخانەکان بۆ دوو هێندە زیاد دەکرێت

 

ئاڤا نیوز

پڕۆسەی چاککردنەوەی پاڵاوگەی لاناز تەواوبووە و سەرەتای مانگی دوو ڕۆژانە دوو ئەوەندی پێشوو بەنزینی حکومی بە نرخی پاڵپشتیکراو بۆ بەنزینخانەکانی هەرێمی کوردستان دابین دەکرێت و نرخی بەنزینی بازرگانی دادەبەزێت.

وێنە گەورەکە: لە ڕێگەی پاڵاوگەکانی کار و لاناز بەگوێرەی ژمارەی دانیشتووان و ژمارەی ئۆتۆمبێل ڕۆژانە بڕێک بەنزین لە ڕێگەی تانکەرەوە بۆ پارێزگا و ئیدارە سەربەخۆکان دابین دەکرێت، هەر لیتری بە 750 دینار بە شوفێران دەدرێت.

زانیاریی تایبەت: بەگوێرەی بەدواداچوونی ئاڤا کە لە وەزارەتی سامانە سرووشتییەکان وەریگرتووە، پاڵاوگەی لاناز چاککراوەتەوە و بەمەیش مانگی داهاتوو ڕۆژانە بڕی یەک ملیۆن و 548 هەزار لیتر کە دەکاتە 43 تانکەر بۆ پارێزگا و ئیدارە سەربەخۆکان دابین دەکرێت، ئەمە لە کاتێکدایە ئێستا ڕۆژانە 774 هەزار لیتر لە بەنزیخانەکان بە شوفێران دەدرێت.

ژمارەکان وادەڵێن: بەراوردی بڕی دابینکراوی ڕۆژانە لە نێوان ئێستا و داهاتوو بەمشێوەیە دەبێت:-

هەولێر: ئێستا 396 هەزار لیتر ــ  لە داهاتوو 792 هەزار لیتر

سلێمانی و هەڵەبجە: ئێستا 180 هەزار لیتر ــ  لە داهاتوو 324 هەزار لیتر

دهۆک: ئێستا 216 هەزار لیتر ــ  لە داهاتوو 432 هەزار لیتر