پەرلەمانی عێراق بۆ دەنگدان لەسەر هەمواری یاسای بودجەی گشتیی فیدراڵی کۆبووەوە

ئاڤا نیوز

 

کۆبوونەوەی ئەنجوومەنی نوێنەرانی عێراق دەستیپێکرد و یەکێک لەو بڕگانەی کە تایبەت بوو پرسی دووبارە هەناردەکردنەوەی نەوتی هەرێمی کوردستان دەنگی لەسەر درا. 

 

وێنە گەورەکە: ئەنجوومەنی نوێنەرانی عێراق بۆ دەنگدان لەسەر هەمواری یاسای بودجەی گشتیی فیدراڵی بۆ ساڵەکانی 2023-2024-2025 کۆدەبێتەوە کە بڕگەیەکی تایبەتە بە پرسی هەناردەکردنەوەی نەوتی هەرێمی کوردستان.

 

زانیاریی پەیامنێر: دەروون مەلا ناجی، پەیامنێری ئاڤا لە بەغدا ڕایگەیاند: دانیشتنی ئەنجوومەنی نوێنەرانی عێراق لەسەر پرسی دەنگدان بەهەمواری یاسای بودجەی گشتیی فیدراڵی دەستیپێکردووە و دواتر دەنگ لەسەر هەمواری یاسای بودجە درا. 

 

ڕاگەیێنراوی فەرمی: شاخەوان عەبدوڵڵا، جێگری سەرۆکی پەرلەمانی عێراق ڕایگەیاند: سوپاس بۆ خوا لە پەرلەمان دەنگ لەسەر هەمواری یاسای بودجەی فیدراڵی درا، ئێستا هیچ بیانوویەک لەبەردەم هەناردەکردنەوەی نەوتی هەرێمی کوردستان نەماوە.