بۆ مانگی ڕەمەزان نرخی مریشک دادەبەزێت

ئاڤا نیوز

 

ماوەیەکە نرخی مریشک لە بازاڕەکانی کوردستان بەرزبووەتەوە و بڕیاریشە بۆ مانگی ڕەمەزان نرخەکەی کەمبکرێتەوە.

 

چیرۆکی سەرەکی: نرخی کیلۆیەک مریشک نزیکەی 500 تاوەکو 1,000 دیناری چووەتەسەر و هۆکارەکەشی هاوردەنەکردن و کەمبوونەوەی مریشکە لە کێڵگە پەلەوەرییەکان، بەڵام حکومەت دڵنیایی دەدات بۆ مانگی ڕەمەزان نرخەکەی کەمدەکەنەوە. 

 

لێدوانی فەرمی: هۆگر عەلی، بەڕێوەبەری چاودێریی بازرگانی بە ئاڤا نیوزی گوت: "بەرزبوونەوەی نرخی مریشک لە بازاڕەکان کاتییە و بەمزووانە چارەسەری دەکەین".

 

زانیاریی زیاتر: بۆ مانگی ڕەمەزان نرخی مریشک لە تەواوی پارێزگاکانی هەرێمی کوردستان کەم دەکرێتەوە و نرخەکەشی جێگیر دەکرێت.

 

ڕەسووڵ عوسمان، نوێنەری کێڵگە پەلەوەرییەکان لە ئیدارەی ڕاپەڕین باسی گرانبوونی نرخی مریشک دەکات