حکومەتی عێراق مووچەی هەزاران کەس دەبڕێت

ئاڤا نیوز

 

وەزارەتی کار و کاروباری کۆمەڵایەتیی عێراق، مووچەی هەزاران کەس لە چوارچێوەی سیستەمی پاراستنی کۆمەڵایەتی دەبڕێت بەهۆی ئەوەی مەرجەکانیان تێدا نییە. 

 

 لێدوانی فەرمی: ئەحمەد موسەوی، سەرۆکی دەستەی چاودێریی کۆمەڵایەتی سەر بە وەزارەتی کار و کاروباری کۆمەڵایەتیی بە ئاژانسی هەواڵی عێراقی ڕاگەیاند: لەچوارچێوەی هەوڵە بەردەوامەکان بۆ پێداچوونەوە بە لیستی ئەوانەی پێویستییان بە یارمەتییە، زیاتر لە 300 هەزار کەس لە سیستمی تۆڕى پاراستنى کۆمەڵایەتیی دوورخراونەتەوە.

 

-هەوڵەکانی چاکسازی بەردەوام دەبن بۆ دوورخستەنەوە و ڕێکخستنەوە ژمارەیەکی دیکەش. 
-ئەم ڕێککارانە دەبنە هۆی دابینکردنی پارەی زیاتر بۆ ئەو کەرتە. 
- هەر لەو چوارچێوەیەدا دەتوانرێت ناوی زیاتر بۆ بەرنامەی پاراستنی کۆمەڵایەتی زیاد بکرێت. 

 

زانیاریی زیاتر: بەگوێرەی وەزارەتی کار و کاروباری کۆمەڵایەتیی عێراق، نزیکەی حەوت ملیۆن و 600 هەزار هاووڵاتی عێراقی لەچوارچێوەی پاراستنی کۆمەڵایەتیی پارەی مانگانەیان بۆ دابین کراوە، کە ئەمەش 5.6٪ کۆی گشتیی دانیشتووان عێراق دەکات.

 

ئەوەی پێویستە بیزانیت: مووچەی پاراستنی کۆمەڵایەتیی لەنێوان 210 هەزار بۆ 315 هەزارە دینارە، ئەو کەسانە دەگرێتەوە کە:- بێکار، بێ هاوژین، تەڵاقدراو، بەشێک لە نەخۆشان و بێ کەسوکاریش دەگرێتەوە.