سەرۆکایەتیی هەرێمی کوردستان: ئه‌م ڕه‌فتارانه‌ زيان به‌ پێكه‌وه‌ژيان و ئاشتيى كۆمه‌ڵايه‌تى ده‌گه‌يه‌نن

 

 

ئاڤا نیوز

سەرۆکایەتیی هەرێمی کوردستان بەدواداچوونی لەسەر  ئه‌و ڕه‌فتاره‌ کردووە کە له‌لايه‌ن هه‌ندێك له‌ ئه‌ندامانى سوپاى عێراقه‌وه‌ ده‌رهه‌ق به‌ جووتيارانى كورد له‌ سنوورى كه‌ركووك كراوه و داوا  لايه‌نه‌ په‌يوه‌نديداره‌كان كردووە ڕێكارى پێويست به‌رامبه‌ر به‌ ئه‌نجامده‌رانى ئه‌و كاره‌ بگرنه‌ به‌ر.

چیرۆکی سەرەکی: بەیانی ڕۆژی دووشەممە، لە گوندی شەناغەی سنووری پردێ لە پارێزگای کەرکووک، سوپای عێراق بۆ ڕێگریکردن لە جووتیاران بۆ كێڵانی زەوییە کشتووکاڵییەکان بەمەبەستی داچاندن هەڵیکوتایە سەریان و ئاڵۆزی لێکەوتەوە.

لێدوانی فەرمی: دڵشاد شەهاب، وتەبێژی سەرۆکایەتی هەرێمی کوردستان ڕایگەیاند، "ئه‌و ڕه‌فتاره‌ به‌ ته‌واوى ڕه‌تكراوه‌يه‌ و مايه‌ى قبووڵكردن نييه‌، سه‌رۆكايه‌تيى هه‌رێمى كوردستان له ‌نزيكه‌وه‌ به‌دواى بابه‌ته‌كه‌دا چووه‌ و داواى له‌ لايه‌نه‌ په‌يوه‌نديداره‌كان كردووە ڕێكارى پێويست به‌رامبه‌ر به‌ ئه‌نجامده‌رانى ئه‌و كاره‌ بگرنه‌ به‌ر و ڕێگا له‌ دووباره‌بوونه‌وه‌ى بگرن."

گوتىشی، ئه‌م ڕه‌فتارانه‌ زيان به‌ پێكه‌وه‌ژيان و ئاشتيى كۆمه‌ڵايه‌تى ده‌گه‌يه‌نن و ده‌بێ هه‌موو لايه‌ك ئه‌و جۆره‌ مامه‌ڵه‌ و ڕه‌فتارانه‌ ڕه‌ت بكه‌نه‌وه‌ و سه‌رزه‌نشتى ئه‌نجامده‌رانى بكه‌ن و ڕووبه‌ڕووى سزاى ياسايييان بكه‌نه‌وه‌.