درووستکردنی دیواری کۆنکرێتی لە سنووری عێراق و سووریا بەردەوامە

ئاڤا نیوز

فەرماندەیی هێزەکانی پاسەوانی سنووری عێراق ڕایگەیاند، بونیادنانی دیواری کۆنکرێتی لە سنووری عێراق و سووریا بەردەوامە و گەیشتووەتە باکووری قەزای ڕەبیعە.

وێنە گەورەکە: سنووری هاوبەشی عێراق و سووریا 615 کیلۆمەترە، زیاتر لە 285 كیلۆمەتری دەكەوێتە پارێزگای نەینەوا و 325 كیلۆمەتریشی دەكەوێتە پارێزگای ئەنبار، بە وتەی بەرپرسانی عێراقیش تائێستا زیاتر لە 400 کیلۆمەتری ئەو سنوورە هاوبەشە بە دیواری کۆنکرێتی جیاکراوەتەوە.

ڕاگەیێنراوی فەرمی: فەرماندەیی هێزەکانی پاسەوانی سنووری عێراق لە ڕاگەیێنراوێکدا دەڵێت:

٠ کارکردن بۆ بونیادنانی دیواری کۆنکرێتی لە سنووری سووریا بەخێرایی بەردەوامە و ئێستا گەیشتووەتە باکووری قەزای ڕەبیعە لە سنووری پارێزگای نەینەوا.

٠ بەشەکانی دیوارە کۆنکرێتییەکە بەتوانای ناوخۆیی فەرماندەیی هێزەکانی پاسەوانی سنوور و لە کارگەکانی سەر بە هێزەکانیان بەرهەم دەهێنرێن.