وەزارەتی دارایی ڕەزامەندیدا لەسەر گۆڕینی ناونیشانی فەرمانبەرانی گرێبەستی پەرەپێدان بۆ گرێبەستی ئاسایی

ئاڤا نیوز

دوای چەندین جار بەدواداچوونی ئاڤا و گەیاندنی کێشەکەیان. ئەمڕۆ وەزارەتی دارایی بڕیاریدا، فەرمانبەرانی گرێبەستی پەرەپێدان لە وەزارەتی تەندروستی بکرێن بە گرێبەستی ئاسایی.

وێنە گەورەکە: لەماوەی ڕابردوودا چەندین جار ئاڤا میدیا بەدواداچوونی بۆ کێشەی فەرمانبەرانی گرێبەستی وەزارەتی تەندروستی کردووە، ئەوان گرێبەستی پەرەپێدانن و لەسەر داهاتی ناوخۆ مووچەکانیان دابین دەکەن.

ڕاگەیێنراوی فەرمی: وەزارەتی دارایی و ئابووری هەرێمی کوردستان ڕایگەیاندووە، وەزیری دارایی لەگەڵ ژمارەیەک لە فەرمانبەرانی گرێبەستی دامەزراوی پەرەپێدان کە لە وەزارەتی تەندروستی دەوام دەکەن و مووچەیان لەسەر داهاتی ناوخۆیە کۆبووەتەوە و ڕەزامەندی دراوە لەسەر گۆڕینی ناونیشانەکانیان لە گرێبەستی پەرەپێدانەوە بۆ گرێبەستی ئاسایی لەسەر وەزارەتی دارایی.

هەر سەبارەت بە کۆبوونەوەکە، وەزارەتی دارایی دەڵێت: لەگفتوگۆکانمان لەگەڵ وەزارەتی دارایی عێراق داوای زیادکردنی میلاک و تەرخانی داراییمان بۆ فەرمانبەرانی گرێبەست کردووە و چاوەڕوانن لەداهاتوویەکی نزیکدا لەگەڵ حکومەتی فیدراڵ لەسەر ئەو بابەتانە بگەن بە چارەسەرێکی گونجاو.