حكومەتی هەرێمی كوردستان لەبارەی پشووێك ڕوونكردنەوە دەدات

 

ئاڤا نیوز

حكومەتی هەرێمی كوردستان لەبارەی دەوامی فەرمیی دامودەزگاكانی هەرێمی كوردستان لە ڕۆژی پێنجشەممە ڕێككەوتی 2025-03-06، ڕوونكردنەوە دەدات و دەڵێت، دەوام ئاساییە و نابێتە پشوو.

وێنە گەورەكە: بەهۆی ئەوەی ڕۆژی چوارشەممە 2025-03-05، بەبۆنەی هەڵگیرسانی ڕاپەڕینە مەزنەكەی خەڵكی كوردستان، پشووی فەرمییە و ڕۆژی هەینیش 2025-03-07، هەر خۆی پشووی فەرمییە، بەپێی نەریتی پێشوو، ئەو ڕۆژەی دەكەوێتە نێوان دوو ڕۆژی پشوو، ڕاستەوخۆ ئەو ڕۆژەش دەبووە پشوو، بۆیە دەنگۆی ئەوە بڵاوبووەوە كە ڕۆژی پێنجشەممەی داهاتوو لە دامودەزگای پشوو بێت.

ڕاگەیێنراوی فەرمی: ماڵپەڕی فەرمی حكومەتی هەرێمی كوردستان بڵاویكردۆتەوە، ڕۆژی چوارشەممە 5ـی ئاداری 2025، بەبۆنەی هەڵگیرسانی ڕاپەڕینە مەزنەكەی بەهاری 1991ـی گەلی كوردستان، لە سەرجەم دامودەزگا فەرمییەكانی هەرێمی كوردستان، پشووی فەرمی دەبێت.

ئەوەی پێویستە بیزانیت: ڕۆژی پێنجشەممە 2025-03-06، كە كەوتووەتە نێوان دوو ڕۆژی پشوو، دەوامی فەرمییە و بەهیچ جۆرێك نابێتە پشوو.