عێراق لە چارەگی کۆتایی ساڵی ڕابردوو نزیکەی 600 هەزار تۆن بەنزینی هاوردە کردووە

ئاڤا نیوز

 

کۆمپانیای بەبازاڕکردنی نەوتی عێراق "سۆمۆ" ڕایدەگەیێنێت، لە چارەگی کۆتایی ساڵی 2024دا نزیکەی 600 هەزار تۆن بەنزینی هاوردەکردووە.

 

وێنە گەورەکە: عێراق دووەم گەورەترین هەناردەکاری نەوتە لە ئۆپێک، کەچی بەهۆی کۆنیی و کەمیی پاڵاوگەکانییەوە بەرهەمە نەوتییەکان لە وڵاتانی جیهانەوە هاوردە دەکات.

 

ڕاگەیێنراوی فەرمی: بە گوێرەی ڕاگەیێنراوێکی کۆمپانیای بەبازاڕکردنی نەوتی عێراق "سۆمۆ"، عێراق لە مانگی تشرینی یەکەمەوە تاوەکو کانوونی دووەمی 2024، 591 هەزار و 713 تۆن بەنزینی هاوردە کردووە، بەراورد بە چارەگی سێیەمی هەمان ساڵ بڕەکە کەمیکردووە، کە ئەوکات 633 هەزار و 259 تۆن بووە.

 

- عێراق لە ماوەی چارەگی چوارەمی ساڵی 2024دا هیچ بەرهەمێکی نەوتی سپی یان ڕۆنی غازی هاوردە نەکردووە.