لە دیالە سەدان تای دەم و پەلەکان تۆمار دەکرێت

شەیری بکە لە:
لە دیالە سەدان تای دەم و پەلەکان تۆمار دەکرێت

ژمارەیەک گامێش لە یەکێک لە کێڵگەکانی عێراق. وێنە - میدیا عێراقییەکان

ئاڤا نیوز

هەرچەندە حکومەتی عێراق کۆنتڕۆڵکردنی پەتای دەم و پەلەکانی ڕاگەیاندبوو، بەڵام لە پارێزگای دیالە توشبوونی هەزار و 700 سەرئاژەڵ تۆمار کراوە.

چیرۆکی سەرەکی: ناوەڕاستی مانگی ڕابردوو لە بەغدا و سێ پارێزگای دیکە هەزاران ئاژەڵ و بەتایبەتیش گامێش، تووشی ڤایرۆسی دەم و پەلەکانی ئاژەڵ بوون و بەهۆیەوە زیاتر لە 600 ئاژەڵ مرداربوونەوە.

زانیاریی بەدەستهاتوو: میدیا عێراقییەکان ئاشکرایان کردووە، لەماوەی چەند هەفتەی ڕابردوودا، تای دەم و پەلەکان هەزار و 700 سەر ئاژەڵی تووشکردووە کە دیارترینیان گامێش بووە و دەیان سەرئاژەڵیش گیانیان لەدەستداوە.

هۆکارە زانراوەکان: بەشێک لە خاوەن گامێشەکان هۆکاری بڵاوبوونەوەی ڤایرۆسەکە دەگەڕێننەوە بۆ هاوردەکردنی گامێش لە وڵاتانی دەرەوە.

زانیاریی زیاتر: تای دەم و پەلەکان نەخۆشییەکی کۆنە لە عێراق و هیچ مەترسییەک بۆ مرۆڤ دروست ناکات و ڕێژەی مردنیشی کەمە، هەربۆیە بەگوێرەی بەرپرسانی حکومەت دۆخەکە لەژێر کۆنتڕۆڵدایە و هیچ مەترسییەکی تێدا نییە.

زیاتر لەسەر ئەم بابەتانە بکۆڵەرەوە

شەیری بکە لە:

دوایین هەواڵەکان

هەڵبژاردەکان بۆ تۆ